نهفات ايام زمان...

متل ما خبرتكن بالنهفة السابقة انو كان كتير رائج صيد العنلكيس
ومن شوي عرفت انو كانوا ياخدوا معاهن الصيادة مشكاك
وهوي عبارة عن عصا طويلة وبنهايتها سكين حدا طويل جدا (يعني متل الحربة ) لحتى يشكوا فيه العنكليس بالنهر
وكان 2 من شباب الضيعة عم يمارسوا هالهواية , وطبعا بينزلوا بالنهر بأحذيتن البلاستيكية , وهيك وبينما واحد منن عم يدور وإذا بيلمح راس عنكليسة كبيرة فقال لرفيقه بهدوء : لا تتحرك ..... لا تتحرك
عنكليسة بتطلع 2 كيلو , فحافظ الاخر على هدوئه أما صاحب المشكاك رفعه لأعلى ما يستطيع وشكه بالمياه بقوة كبيرة , وصرخ رفيقو آآآآآآآآآآآآآآخ أصبعي يا ابن ال .............
ههههههههههه
و ما بقى يعرفوا كيف بدن يكفكفوا القصة
طلعت العنكليسة أصبع الرجل الآخر طالعة من الجزمة

لا شو هالنهفات يا عم غير شكل ما بعرف مين بدي اشكر يعني رح قول شكرا للجميع والشكر
الاكبر ل ميوش لانو نهفاتها غير شكل

وشكر كبير إلك يا ميشو ولكل المتابعين على الموقع
هلق جايبتلك نهفة حلوة اتذكرتا مبارح بمعرض حديث كنا عم نتداولو
هيدا يا سيدي في زوج وزوجة وبلا ذكر اسماء كان عندن غنمة ( خاروف أنثى ) وكانت هالغنمة نحيفة شوي وشكلها اقرب للطول من الشكل الكربوج المعبى وهيك كانت فرحة الزوجة بالغنمة كبيرة لأنها جيتا هدية من بيت اهلها وكانت بمثابة ثروة إلها وما تبطل تعتني وتجيب اكل وحشيش وعلف للغنمة وإجا الشوب بالصيف وصارت الغنمة كبيرة شوي وصار لازم يجزو صوفاتا ( يقصو الصوف ) وجابو المجز وثبتو الغنمة وهيك من كتر ما لحو عليها بالقص صار مبين الجلد وراح عن الغنمة الجزء الأكبر من الصوف والحجم اللي كان محجما و صارت اقرب للنحف و اقرب للشكل الطولاني
وتركو هالغنمة قدام البيت وصار كل ما يمر حدا يقلن على سبيل السخرية : منين هالكلب الزهري
الله ريتو مبروك مبين عليه كلب صيد
وعا شوي رح الجماعة يسدقو انو كلب
اما الزوجة فكانت تنزعج لأن الستهزاء بغنمتا غيررررررررررر مسمووووووووووح

لا عنجد نهفة غير شكل وحلوة كتير
بتبقي تقليلي مين فلان وفلانة عالماسنجر
شكرا مي /// هلق يمكن تكون النهفة عاديه بس السر عندك في التفنن ب سرد الحكايه
شكرا

وردنا جديد نهفة عن احدهم ولكن مو من ايام زمان كتير
في واحد عنا بالقرية زرع مقابل بيتو على الشارع العام شجرة الزرختينة المعروفة من قبل الجميع
كان في عند الزلمة شغيل هتيلة شوي بعيد عنكون
قلو الزلمة مد النبريج(خرطوم المياه) وسقي الزرختينة
مد الشغيل النبريج وحط راسو بالارض وقطع الشارع العام للمكان المزروعة فيه الشجرة وما اطلع الاخ لفوق او شو عم يسقي المهم عمل حفرة حول الشجرة وسقاها مي منيح شي ساعتين
رجع الزلمة ليتأكد اذا الشغيل سقى الشجرة فنادالو للشغيل
قلو ليش ما سقيت الشجرة
قلو الولد والله يا معلمي سقيتا
قلو ولك مهبول ما سقيتا
قلو يا معلمي بعيوني سقيتا
قلو الزلمة مشي معي شوفيني شو سقيت
اخدو الولد على المحل اللي سقى فيه الشجرة
قلو الزلمة ولك غبي ما بتطلع شو سقيت انت ساقي عامود الكهربا

في وحدة من ضيعة مجاورة لضيعتنا اخدها جوزها على الشام زيارة لعند احد الاقرباء من زمان كتير على ايام باصات الهوب هوب
نزلوا الركاب بالكراج حتى ينطلق كل شخص الى عمله
مشت المرأة وجوزها بالشارع بين الناس ومتفاجئة كتير بالناس
المرأة يا حرام من طيبة قلبها ومتل ما معروف عنا بالضيع انو كل ما مرينا من قدام حدا منقلو صباح الخير او مرحبا يعني حسب الوقت ومنسلم على الاشخاص فهي المرأة فكرت انو نفس الشغلة عند كل الناس وين ما كان بيعملو نفس الشي فلهيك كل ما مرت من جنب حدا بالشارع
تقلو الله يصبحكو بالخير
الله يعطيك العافة
الله يصبحكو بالخير
.................... ............... جوزا كان بعيد على كم خطوة منا شافا عم تعمل هيك قلا ولك مقصوفة العمر شو متعملي قالتلو ويلي على حالي منصبح على هل الخلق والبشر مو عيب بيقولو عنا حكي ما بيسوا ............... قلا مشي قدامي احس ما ............